Marine Le Pen largement devant dans de nombreux quartiers et villages corses
Marine Le Pen largement devant dans de nombreux quartiers de villages corses
(A redazzioni d'Alta Frequenza) - I risultati di u primu ghjiru di l'alizzioni prisidinziali ani cunfirmatu u bon postu di Nicolas Sarkozy ind'a nostra isula, ancu puru s'è u presidenti attuali hè calatu, s'è no femi u paragonu cù u primu ghjiru di u 2007. U cataclisimu ghjunghji soprattuttu da u risultatu di u Front National è di Marine Le Pen. Cù 24,38% di i voti nant'à l'insemi di l'isula, iss'ultima rializeghja una cullata storica ch'ellu ci vularà oramai ad analizà è pruvà à capiscia. Siconda in Corsica, in Corsica Suttana, è inde agglumerazioni com'è Aiacciu, Purtivechju, A Ghisunaccia, Bunifaziu o Calvi, Marine Le Pen hè ancu prima inde certi quartieri d'Aiacciu, com'è i Salini, in Petralba, à u Finusellu, in Mezavia è à i Canni in Aiacciu. Successu dinò pà a candidata fruntista inde paesi, duva ella hè quì dinò prima : Alata, Appiettu, Arbiddara, Carbuccia, Cuttuli, Foce, Lopigna, Letia, Olmiccia, Pastricciola, i Peri, Pughjolu, Sarrula Carcupinu, Veru, Auccià, Vighjanellu, Villanova. A tindenza hè listessa in Corsica Suprana. Parechji paesi di u rurali ani missu à Marine Le Pen largamentu in testa : Castellu di Rustinu, Castiglione, Croce, Gavignanu, Mansu, Morsiglia, Pianu, u Poghju Mezana, Pulverosu, Pupulasca, Pratu du Ghjuvellina, San Damianu, Santa Maria di Lota, Santa Lucia di Muriani, Serra di Fiume d'Orbu, u Silvarecciu, Vintisari, Vinzulasca, u Viscuvatu, Vulpaghjola.
Sur le même sujet
