Marchés publics de Centuri : le délibéré
(A redazzioni d'Alta Frequenza) - U tribunali currizziunali di Bastia hà fattu cunnoscia a so dicisioni inde l'affari di i marcati publichi di Centuri. L'anzianu merri di a cumuna, Joseph Micheli, hè statu cundannatu à dui anni di prighjoni attimpati, 10 000 auri d'amenda è dui anni senza pudè essa elettu. U prima aghjuntu attuali, Jacques Kappas, hà presu 18 mesi di prighjoni attimpati, 5 000 auri d'amenda è dui anni senza pudè essa elettu. L'intraprenadori Stéphane Ramora hè statu cundannatu à un annu di prighjoni attimpatu, mentri chì l'intraprenadori Jean Antoine Ringioni hà presu sei mesi attimpati. Un ultimu intraprenadori, Eric Michelotti, hè statu assoltu.
Sur le même sujet
