Marché de l'immobilier: une année 2013 morose
(A redazzioni d'Alta Frequenza) - A Federazioni naziunali di l’imubiliari, chjamata di manera più cumuna a FNAIM, hà publicatu chì hè pocu u bilanciu di l’annu 2013 pà ciò chì tocca u marcatu imubiliari in Francia. Mentri chì l’agenti imubiliari parlavani dighjà à a mità di l’annu scorsu di un marcatu chì ùn muvia micca, a tindenza s’hè bè cunfirmata, cù par asempiu un veru rinculu arrighjistratu à u nivellu di i venditi d’alloghji vechji. A colpa à una situazioni ecunomica chì hè andata di peghju in peghju o ancu à l’esitazioni prufonda di quilli chì pudariani cumprà, è què malgradu chì i costi di u creditu sighini storicamenti assai bassi. Dopu à un’annata nera pà ciò chì cuncerna ssa prublematica, u presidenti di a Republica hà prupostu urientazioni novi in materia d’alloghju, par asempiu cù u scopu di renda più lighjeri i normi chì pesani nant’à i costi di custruzzioni.
Steti à senta u presidenti di a FNAIM di Corsica, Pierre Paul Carette.
