Marche blanche en hommage à Jean Leccia
(A redazzioni d'Alta Frequenza) - Ind'un cumunicatu ghjuntu ind'a nostra redazzioni, tutti l'agenti di u Cunsighju Ghjinirali di Corsica Suprana facini sapè "tutta l'indignazioni è a cundanna forti di l'assassiniu di Jean Leccia, u so Direttori Ghjinirali". "Tumbà un omu chì cunsacrava u so travaghju è u so tempu à a gistioni seria di u serviziu publicu hè un attu vargugnosu chì ùn si pò micca capiscia. Aldilà di a funzioni rializata cù talentu è umanità, hè l'omu propiu umili, sempri à l'ascoltu di i so cullaburatori, intellighjenti, omu di cultura è mudestu à quali vulemi renda un umaghju" dicini ss'ultimi. Dopu à ss'assassiniu, ci sarà una marchja bianca, dumani (marti) partendu da u palazzu di ghjustizia di Bastia par andà fin'è a prifittura "pà renda li un umaghju è fà cunnoscia a nostra collara è u nostru schifu" dicini l'agenti. Invitani "tutti i membri di l'altri amministrazioni tarrituriali è di u Statu, eppo i sfarenti attori di a sucità à raghjunghja li di manera forti".
Sur le même sujet
