Manque de médecins en Corse : constat, pistes et perspectives
Hè difficiuli sempri di più di truvà un medicu in Corsica, ùn sichi chè un giniralistu.
À certi, d’altrondi, li tocca à dì « basta » è à ùn piddà più clienti, chì li manca u tempu.
Eppuri, in Pumonti, u numaru di i medichi hè crisciutu à pena, è u mistieri si hè ancu ringhjuvanitu issi pochi anni.
Ma par disgrazia, parichji d’issi duttora sceddini d’ùn essa in u libarali, è a crescita dimugraffica di a Corsica faci pighjurà l’affari.
Ma quantunca, Jean Canarelli, u prisidenti di l’ordini lli medichi in Pumonti, dici chì calchì spiranza ci hè.
Pà i deci anni à vena, a situazioni hà da essa dilicata sempri, è ci hà da vulè à truvà calchì idea da cunvincia à quiddi chì sò in fin’di carriera di cuntinuvà à pena.
Ma dopu, l’affari pudariani middurà si, à veda ni i pussibilità chì affaccani par ciò chì tocca à i novi duttori.
Steti à senta à Jean Canarelli.
