Manifestazione pè una suluzione pulitica : rencontre avec Joseph Colombani
(A redazzioni d'Alta Frequenza) - Cuufficialità di a lingua corsa, statutu di residenti, statutu fiscali o ancu annistia di i prighjuneri pulitichi è di i ricircati, hè inghjiru à ssi punti chì 3 000 parsoni sò falati in carrughju sabbatu in Aiacciu. Ci voli à ramintà chì ssi rivindicazioni maiò sò stati dibattuti largamenti à l'Assemblea di Corsica duranti mesi longhi è ch'elli ani inghjinnatu tutti voti propiu significativi. Emi dighjà intesu a raprisintazioni pulitica, ma dinò quilla di u mondu studientinu, annant'à ssi temi impurtanti. Emi arrighjistratu dinò, à l'uccasioni di ssa manifistazioni, riazzioni appena "sviati" di parsunalità pulitichi simbuli di a lotta naziunalista dipoi dicennii. Ghjaseppu Colombani era dinò prisenti ; militanti naziunalistu di a prima ora dinò ellu, hà vulsutu raprisintà a ruralità duranti ssa manifistazioni. Mondu paisanu è lotta naziunalista, un tema chì ferma propiu d'attualità.
Steti à senta à Ghjaseppu Colombani, u presidenti di a Camara regiunali d'Agricultura.
Sur le même sujet
