Manifestazione pè una soluzione pulitica : la satisfaction de Pierre Ghionga
(A redazzioni d'Alta Frequenza) - Erani più di 2 000 ssu sabbatu dopu meziornu in carrughju in Aiacciu pà dumandà una suluzioni pulitica pà a Corsica. Una manifistazioni unitaria, purtata da a Ghjuventù Indipendentista è eletti assai numarosi di l'Assemblea di Corsica è què aldilà di a sola famighja naziunalista. In fatti, s'è i parsunalità di u muvimentu naziunali erani in prima ligna, com'è Ghjuvan Cristofanu Angelini, Ghjuvan Guidu Talamoni, Gilles Simeoni o ancu Josepha Giacometti, ssa mubilisazioni hà vistu soprattuttu a prisenza di dui cunsighjeri tarrituriali di prima trinca, Maria Giudicelli è Petru Ghionga. Cuufficialità di a lingua corsa, statutu di residenti, statutu fiscali o ancu annistia di i prighjuneri pulitichi è di i ricircati, ssi rivindicazioni maiò chì ani inghjinnatu voti impurtanti di l'eletti tarrituriali erani scritti annant'à parechji striscioni. Unu di i simbuli forti di ssa manifestazioni era dunqua a prisenza di i cunsighjeri tarrituriali Maria Giudicelli è Petru Ghionga. Com'è u presidenti di a GI, ss'ultimu pensa dinò chì u scopu hè statu riisciutu ssu sabbatu.
Steti à senta à Petru Ghionga.
Sur le même sujet
