Le Direct

Manifestations d'octobre : dix personnes déférées et jugées ce jeudi

(A redazzioni d'Alta Frequenza) - Ssu marcuri da mani, deci parsoni sò stati prisintati à u prucuratori di a Republica di Bastia, Nicolas Bessone, eppo prisintati à a ghjustizia inde l'inchiesta nant'à l'incidenti accaduti duranti i manifistazioni d'uttrovi di u 2016 in u quadru di l'affari Battini-Tomasini-Verdi. In ssu cuntestu, a Ghjuventù Indipendentista s'hè accolta in u palazzu di ghjustizia di Bastia. Duranti una cunfarenza di stampa, ss'ultima, cù u sustegnu di a Cunsulta di a Ghjuventù Corsa, hà dumandatu ch'ellu si n'andessi subbitu Nicolas Bessone, chì d'appressu à i dui sindicati saria à l'urighjini di i tinsioni forti chì si risentini dipoi parechji mesi trà i forzi di l'ordini è i militanti naziunalisti. I dui sindicati chjamani à u blucchimi di l'Università di Corsica è di i licei da i studianti à partasi da ssu ghjovi da mani, è à l'adunita ssu ghjovi dopu meziornu davanti u palazzu di ghjustizia di Bastia, pà u passaghju subbitu di i parsoni prisintati à a ghjustizia.

Steti à senta à Paul Salort pà a Ghjuventù Indipendentista.