Manifestation Simu di stu Paese : un succès pour le Collectif
(A redazzioni d'Alta Frequenza) - C'era ssu sabbatu in Bastia una manifestazioni purtata da u Cullettivu Simu di stu Paese. Hà adunitu parechji millai di parsoni, cù à mezu à quissi tutta a famighja naziunalista, è par asempiu u merri di Bastia Gilles Simeoni, Jean Guy Talamoni o Paul Félix Benedetti, ma dinò parsunalità d'altri currenti com'è Petru Ghionga. Sindicati è associ numarosi erini raprisintati dinò, ind'una manifestazioni chì s'hè passata ind'u calmu fin'è a sparghjera di quissa quì davanti a prifittura. Dopu, ci sò stati incidenti trà certi manifistanti è i forzi di l'ordini, par asempiu cù scambii di gaz lacrimogeni di guardii mubili contr'à ughjetti lampati è coktails Molotov di più di centu manifistanti. Lochi publichi sò stati tocchi in particulari, com'è La Poste induva c'hè statu un principiu di focu, o una banca, mubiliari urbanu è rumenzuli essendu stati brusgiati. Ss'incidenti si sò spiazzati di manera prugressiva da a prifittura fin'è a piazza di u marcatu, passendu pà a Piazza San Niculà, duva i vitturi di u rallye di a Giraglia sò stati ubligati à sorta di u so parcu sarratu in urghjenza.
Steti à senta à Petru Vesperini, presidenti di a Ghjuventù Indipendentisdta è chì faci parti di u Cullettivu Simu di stu Paese.
Sur le même sujet
