Manifestation Ghjuventù Indipendentista à Corte : 500 personnes dans la rue, des incidents
(A redazzioni d'Alta Frequenza) - À pocu pressu 500 ghjovani corsi si sò aduniti ssu marcuri dopu meziornu in Corti à a chjama di a Ghjuventù Indipendentista. Una mubilisazioni pà dinunzià una negazioni di demucrazia di u Statu francesi è l'inerzia di ss'ultimu annant'à parechji cartulari pulitichi impurtanti, u razzisimu contr'à i corsi o ancu u famosu affari di a bandera corsa. Una manifistazioni chì s'hè passata ind'u calmu, fin'è u mumentu di dicida di a so fini à calchì metru di a sottu prifittura, cù una strada sarrata da i forzi di l'ordini. Da tandu, ci sò stati baruffi trà manifistanti è un numaru abbastanza sprupusitatu di guardi mubili, i lacrimogeni è i tiri tesi rispundendu à i petri è à i cocktails Molotov. Paletti è rumenzuli sò stati brusgiati annant'à u corsu Paoli, mentri chì u davanti di una banca hà cunnisciutu disguasti. Inveci, nimu saria statu arristatu. Aldilà di ss'incidenti, u presidenti di a Ghjuventù Indipendentista hà vulsutu fà un primu bilanciu di ssa mubilisazioni di tutta una ghjuventù chì faci sapè ch'ella n'hà una techja.
Steti à senta à Petru Vesperini.
Sur le même sujet
