Manifestation en faveur des arrêtés Miot : la satisfaction de Jean-Christophe Angelini
(A redazzioni d'Alta Frequenza) - Mubilisazioni assai maiò à prò di l'arresti Miot in Bastia issu dopu meziornu (sabbatu). Un numaru assai impurtanti di parsoni ani rispostu à a chjama di u cullettivu di a sucità civili. In prima ligna, si rimarcava a prisenza di parechji eletti com'è Jean Jacques Panunzi, Ghjuvan Cristofanu Angelini, Ghjuvan Guidu Talamoni, Simon Renucci, Laurent Marcangeli è tanti altri, senza sminticà u presidenti di u cullettivu Alain Spadoni. Si hè pussutu custatà dunqua chi parechji ghjenti ani trapassatu u gattivu tempu pà participà à issa manifestazioni, è mandà un missaghju forti à u Statu. Pà Ghjuvan Cristofanu Angelini, u successu di issa manifestazioni hà mandatu un missaghju impurtanti à u guvernu. Quillu di l'unità di a Corsica prima, chì hà sappiutu mubilizà si mittendu da cantu i so appartinenzi pulitichi. Quillu di a necessità d'ingaghjà una riflessioni glubali nant'à l'avvena istituziunali di l'isula dopu, in leia frà altru cù a fiscalità.
On écoute Jean-Christophe Angelini
Sur le même sujet
