Manifestation en faveur des arrêtés Miot : Edmond Simeoni sera présent
(A redazzioni d'Alta Frequenza) - 47 istituzioni, urganisazioni prufessiunali o associ chjamani dunqua à manifestà u sabbatu u 9 di farraghju à 2 ori è 30, place d'armes in Bastia. Malgradu un primu scontru a settimana scorsa cù Jérôme Cahuzac, u ministru di u bughjettu, u cullettivu di a sucità civili hà mantinutu a manifestazioni pà a difesa di l'arresti Miot. Una sola mutivazioni nant'à un striscionu solu : Pà un statutu fiscali dirugatoriu. A storia di issu striscionu hè intarissanti parchì hè quissu quì chì avia apartu una manifestazioni nant'à a listessa tematica è sempri in Bastia, era in u 1992. Quissu quì hè statu cunsirvatu da a famighja di un militanti chì oghji hè sparitu. Ci sarà dunqua una simbolica forti issu sabbatu in Bastia daretu à issu pezzu di tela. Edmond Simeoni, anch'ellu, era quì vint'anni fà; par ellu, ùn si risurtarà micca issu striscionu solu pà fà li pighjà l'aria.
Ecoutez-le.
