Manifestation de samedi à Bastia : l'avis de la Ligue Corse de Football
(A redazzioni d'Alta Frequenza) - Ssu vennari, c'era una riunioni in casa cumuna di Bastia pà fà u puntu à a vigilia di a manifistazioni maiò di ssu sabbatu à 2 ori è mezu in Bastia, à a chjama di u gruppu Bastia 1905 in sustegnu à Maxime Beux, sustenidori feritu in Reims sabbatu scorsu. U gruppu è u Sporting Club di Bastia ùn ani micca participatu à ssa riunioni, ancu s'elli erani stati invitati. Di fattu, u merri di Bastia, Pierre Savelli, u presidenti di a Liga Corsa di Ballò, Jean René Moracchini, è un raprisintanti di a merria di Furiani ani lampatu una listessa chjama à l'appaciata è à a rispunsabilità. Ind'è a Liga Corsa di Ballò, s'è u sustegnu à u sustenidori di u SC Bastia feritu in Reims è à a ricerca di a verità hè più forti cà mai, Jean René Moracchini, u so presidenti, hè statu francu è chjaru, ùn participarà micca à ssa manifistazioni par via, d'appressu à ellu, di u risicu d'incidenti.
Steti à senta à Jean René Moracchini.
Sur le même sujet
