Manifestation à Bastia : nouveau message d'apaisement de Gilles Simeoni et Jean-Guy Talamoni
(A redazzioni d'Alta Frequenza) - I presidenti di l'Esecutivu è di l'Assemblea di Corsica ùn participarani micca à a manifistazioni urganizata ssu sabbatu à 2 ori è mezu da Bastia 1905 in Bastia. In un cumunicatu, Gilles Simeoni parla di un cuntestu chì "crea un ambienti assai pisivu, cù risichi veri di svianzi è d'azzuffi duranti a manifistazioni. "Ci voli à cacciassi à tutti i patti da ssa logica di cunfrontu, chì hè una trappula. Vogliu chì ssa manifistazioni si passessi in u calmu è a dignità", cuntinueghja u presidenti di l'Esecutivu. Pà contu soiu, Ghjuvan Guidu Talamoni "lampa torna a chjama ch'è no avemi lampatu à prò di una seguita di a mubilisazioni, ma in un quadru appaciatu, pà cunnoscia tutta a verità nant'à ss'affari gravi. A ghjuventù corsa hà dighjà pagatu abbastanza caru (...). Ancu s'ella hè acciaccata, a chjamu à firmà serena, degna è unita da fà chì un'impiastrata pulizzera ùn sighi micca suvitata da altri provi", compii u presidenti di l'Assemblea di Corsica.
