Magasins du groupe Casino en Corse : les principaux groupes de grande distribution français candidats à la reprise
Dui ghjorna dopu à a cunfarenza di stampa di u STC, chì s’impinsiria di a ripresa di i 19 magazena Casino di u gruppu CODIM2, u ghjurnali ecunomicu « La lettre » hà publicatu, issu vennari, u nomu di i quattru pussibilità di ripresa.
Intermarché avaria rinunciatu, ma i gruppi Carrefour è Auchan, è i cuuperativi Leclerc è Système U avariani spostu a so dumanda à a banca Rotschild, chì hè incaricata di issa vendita.
Ma parvia di quistion’di cuncurrenza, l’affari ùn hè cusì asattu, masimu chì Leclerc hè dighjà beddu prisenti in Corsica.
U gruppu CM Holding è u so prisidenti François Padrona sariani dirittamenti impignati cù Leclerc, è da parti soia Auchan saria candidatu cù Patrick Rocca, u so sociu di u centru cumirciali Atrium d’Aiacciu.
