Magasins du groupe Casino en Corse : le flou autour des offres de reprise dénoncé par le STC
Chì ani da duvintà i 19 magazena di u gruppu Casino, tinuti in Corsica da a so filiali CODIM 2 ?
Ùn sò ancu à finiscia, a incirtezza è u pinseri pà i 1 300 impiicati d’issa sucità.
À senta ni u STC, quattru pruposti di ripresa di u gruppu in a so intigralità ( l’ipermarcati Géant, i supermarcati Casino, i drive è l’attività di grussista alimintariu) sò stati fatti.
U pinseri, pà u sindicatu maiuritariu di u gruppu, hè chì a dirizzioni di CODIM 2 dici ch’idda ùn cunnosci l’idintità di i candidati à a ripresa.
À senta ni u STC sempri, una di i pruposti à u minimu saria quidda d’attori lucali, in associu cù un gruppu di gran’distribuzioni.
In francia, a maior’parti di l’ipermarcati Géant è di i supermarcati Casino hè stata vinduta à Auchan, Intermarché è Carrefour da u gruppu di Saint Etienne, chì t’hà più di sei miliardi di debiti.
U gruppu CODIM riprisenta guasgi a mità di l’ipermarcati è supermarcati ch’ùn sò ancu stati ripresi.
Si parla di calchì infurmazioni più pricisa pà aprili, ma u STC vurria aghjà avè calchì risposta marcuri ch’entri : Philippe Palazzi, u futuru dirittori ginirali di Casino, devi andà à u riscontru di l’intersindicali di u gruppu. Par forza o par amori, u STC conta essa ci, à issa riunioni.
Steti à senta à Eric Lunardi, diligatu sindicali di u STC à u Géant Casino di Mezavia.
