Macron, bulldozer de la République et apprenti sorcier en Corse pour Olivier Dartigolles du Parti Communiste
Photo Facebook Olivier Dartigolles
(A redazzioni d'Alta Frequenza) - In principiu di simana passata, u portavoci di u Partitu Cumunistu Francesi, Olivier Dartigolles, era in giru in Corsica pà prisintà u so libru « Macron, entreprise de démolition ». Un libru par analizà d’una manera sivera i dicisioni d’Emmanuel Macron da quand’ellu hè divintatu Presidenti di a Republica fin’è nuvembri scorsu, è dinunzià u so liberalisimu senza limiti, sicondu u so autori. Olivier Dartigolles dinunzia frà altru una sviata di u mottu republicanu « libertà, ugualità, fratillanza ». Hè vultatu dinò nant’à i pruposti di u Presidenti di a Republica pà a Corsica. Pà Olivier Dartigolles, un puteri legislativu pà a Cullittività di Corsica inghjinnaria i listessi svianzi liberali, prufittendu di l’uccasioni pà criticà cù forza Jean Luc Mélenchon di pettu à u so sustegnu à i naziunalisti. Olivier Dartigolles hè statu d’altrondi u so direttori di campagna in u 2012.
Steti à senta à Olivier Dartigolles.
Sur le même sujet
