Lutte contre la drogue : appel à une large mobilisation à Ajaccio ce jeudi
Parichji urganisazioni è muvimenti pulitichi ni chjamani l’aienti à accodda si, ghjovi à cinqui ori, in u quartieri di i Canni, in Aiacciu.
Corsica Libara, Cori in Fronti, Femu a Corsica, ma ancu Gjuvantù Libara o l’associu Palatinu lampani issa chjama à una mubilisazioni contru à a droga, ma ancu contru à i pulitichi di ghettoisazioni.
« Ùn si poni cuncipì, à nantu à a noscia tarra, ch’iddi ci sichini zoni di non drittu ind’iddi fariani a legi i dealers », dici Corsica Libara.
Par tutti, a risposta devi essa cullittiva è pulitica. « Avemu da fà sapè à quiddi chì volini fà di i quartiera lli nosci cità zoni di non drittu chì no’ ricusemu a so logica », dici Cori in Fronti.
« In una sucità di vicinanza com’è a noscia, a mubilisazioni cullittiva devi permetta di metta à u scartu sucialmenti à quiddi chì, d’una manera o d’un’altra, prufittani di l’ecunumia di a droga », spieca Femu a Corsica.
Infini, pà l’associu Palatinu, « ci voli à ricusà, di manera calma è ferma, tutti i logichi di cunquista tarrituriali, da riaccirtà chì mai nisciun’legi cumunitaria ùn si hà da impona à discapitu di i corsi ».
Sur le même sujet
