Lucciana : le complexe Charles Galletti rénové et mis aux normes internationales, avec en toile de fond un rêve olympique
Marcuri in Lucciana, hè statu inauguratu u cumplessu spurtivu rinuvatu Charles Galetti.
A rinuvera hè custata 2,8 miliona – 1,5 d’issi solda issendu missi da a cumuna – è hà ghjuvatu à metta à i normi internaziunali a stallazioni.
U catramu di a pista, i saltatoghji è tanti altri attrazzi sò stati rifatti da cunvena à i normi IAAF.
A tribuna hè stata intittata, è i spuddatoghji rinuvati in tuttu ancu iddi.
Lucciana vurria cusì pudè prupona novi cumpitizioni spurtivi è ancu – ma par avali ùn hè ben’intesa ! - accodda l’atleti chì approntani i ghjochi ulimpichi.
Lucciana si hà buscu u marcu « Terre de Jeux », è ancu quiddu di centru di priparazioni pà u tennis, u tennis in futtogliu, è l’atletismu.
Steti à senta à José Galleti, u merri di Lucciana.
Nicole Filippi, a prisidenti di a Liga Corsa d’Atletismu, si rallegra d’issa rinuvera, chì permetti oramai d’avè un stadiu in cunfurmità cù a pratica d’issu sport.
N’hà prufittatu par signalà chì l’atletismu corsu n’hè à pena à ripiddà fiatu dopu à a passata di u COVID, cù 1 300 licinziati ; ma hà fattu ancu rimarcà chì Aiacciu è Bastia sò da daretu bè à Lucciana, à liveddu di i infrastrutturi.
Steti la à senta.
Sur le même sujet
