Loi sur le pouvoir d'achat : les demandes de la Conférence sociale
Vennari, si hè riunita a cunfarenza suciali, da rifletta à un’adattazioni lla legi pà u puteri di comprita à i spicificità corsi (rivinuti più bassi di i famiddi, vita più cara).
Eccu l’adattazioni pruposti :
- U sceccu alimintariu, in Corsica, ci vurria ch’iddu passi da 150 à 300€, è chì ugni parsona chì campa da suttu à a limita lla puvartà ni posca prufittà.
- Prima pà u carburanti : mantena u carattaru ginirali lla misura è crescia la tinindu contu di u scartu mizanu vistu in Corsica (10 centima à litru), sinu à ch’idda si faccia a missa in anda d’un dispusitivu spicificu pà a Corsica.
- Indicera di i ritirati à nantu à l’inflazioni : ci vurria à duppià a crescita privista di i ritirati, liendu la à l’inflazioni è tucchendu i 10 %.
- Indinnità di u Trasportu Righjunali Corsu (ITRC) : hè prupostu di crescia a limita d’esunerazioni lli carichi è cuntribuzioni suciali lla prima à 300€, da u 2023 à u 2025.
Steti à senta à Gilles Simeoni, u prisidenti llu Cunsigliu Esecutivu.
À issa riunioni c’erani i sindicata, l’associ caritativi è i riprisintenti llu CESEC, ma micca i gruppi di l’uppusizioni à l’assemblea.
Da riprisintà u Secours Populaire di a Corsica, c’era Hyacinthe Choury. Dici iddu chì i misuri d’urgenza sò impurtanti, ma à i prublimatichi suciali è ecunomichi di a Corsica li ci volini i risposti strutturali, è ci vurrà à parlà ni in i niguziati à vena.
Steti lu à senta.
Sur le même sujet
