Loi d'urgence : Corsica Libera ne cautionne pas le choix des députés nationalistes
In un cumunicatu, Corsica Libara mintuvighja i mancanzi maiori di u statu francesu in a crisa sanitaria : « cù a so gistioni à scempiu di a crisa sanitaria, cù i so bambieri è bucii, u statu francesu hà fattu veda bè a so incumpitenza è a so vulintà ghjacubina d’ùn lacà piazza mancu stampa à a Cullittività di Corsica ».
« Eppuri, u 23 di marzu, i diputati corsi, scelti da l’andatura cullittiva Pà a Corsica, ani vutatu a legi d’urgenza pruposta da u guvernu. Certi parti d’issa legi s’upponini à a noscia cuncipitura llu mondu llu travaddu è di l’acquisti suciali », dici Corsica Libara.
« I nosci diputati ani biffatu l’andatura llu partitu guvirnamintali, com’è Les Républicains o u Rassemblement National », rigreta u muvimentu.
« Ben’chì certi laudatori di a pulitica macrunista sichini mal’piazzati pà fà una critica, no’ altri, issi scelti chivi, ùn li pudemu sustena : essa prisenti in i stituzioni francesi ùn ci devi purtà à accittà i malavii libarticidii d’un statu chì sempri di più, ci voli impona dipindenzi in ugni duminiu » dici infini Corsica Libara
