LOGIREM ouvre à la vente une centaine de logements sociaux bastiais
(A redazzioni d'Alta Frequenza) - Ssu marcuri, LOGIREM hà prisintatu u so pianu d'accessu à a pruprietà pà una parti di i so pighjunanti bastiacci. LOGIREM hà dicisu in fattu di metta in vendita ind'i so pighjunanti 126 alloghji, spartuti trà i residenzi d'Agliani è di u Sémaphore, ind'u filu dirittu di una pulitica andendu in ssu sensu quì dipoi u 2007, è avendu parmissu 240 accessi à a pruprietà. Una scelta chì hè stata à i pighjunanti, chì firmarani qualsiasi u casu ind'u so alloghju, ch'ella sia com'è parsoni chì ghjunghjini à a pruprietà o sempri com'è simplici pighjunanti. Una dimarchja induva tuttu u mondu ci vinci, postu chì LOGIREM si buscarà calchì benefiziu grazia à l'uparazioni.
Steti à senta à Nathalie Dutheil, direttrici di a strategia è di u sviluppu di LOGIREM.
Sur le même sujet
