Lisandru Plasenzotti hospitalisé
(A redazzioni d'Alta Frequenza) - Adunita di sustegnu à Lisandru Plasenzotti (veda altrò) : centunaii di parsoni erani prisenti stasera (luni) davanti à a prifettura di Corsica in Aiacciu. Famighja, amichi, ma dinò eletti è raprisintanti di muvimenti o d'associ erani ghjunti à arricà u so sustegnu à u ghjuvanottu, in greva di a fami dipoi guasgi 50 ghjorni oramai. Di pettu à un statu di saluta più cà inchietanti, dicisioni hè stata presa stasera, d'uspitalizà à Lisandru Plasenzotti. L'annunziu hè statu fattu da Simon Renucci, u diputatu merri d'Aiacciu. L'amministrazioni hè dunqua andata à prò di a dumanda di a famighja chì chiria un suvitatu medicali adattatu. A mansa di sustegni ghjunghjia da tutti i parti, è u corsu Napuliò hè statu bluccatu duranti à l'adunita. Infurmazioni in più è riazzioni ind'i nostri edizioni à vena.
Sur le même sujet
