Linguizzetta : 60 hectares brûlés et deux pompiers blessés
Dui spinghjifoca sò stati ferti à pena in u focu di Linguizzetta, chì hè cursu par sissanta ettari sabbatu è duminica.
Nuvanta spinghjifoca sò stati mubilizati pà issu incendiu, accatizzatu da parichji cosi : i timpiraturi alti è a poca umidità, signalati da a vighjulanza arancina pà i caldamoni.
Malgradu u ingagiamentu di dispusitivi di lutta intersirvizii cunsiquenti, cù nuvanta parsunala di u SIS2B, di a Sicurità Civili di Corti, è cù i mezi FORSAP di a Cullittività di Corsica, ci sò stati parichji ripresi ind’iddi ùn poni ghjunghja i mezi in tarra, in una vegetazioni zippa è in pendita bè, ciò chì faci curra u focu più faciuli.
Duminica, in cor’di dopu meziornu, dui Canadair sò ghjunti da Nîmes, rinfurzati da un avviò bumbardieri d’acqua Dash.
Da luttà contru à issu focu, ci ani da vulè uni beddi pochi di meza, pà uni beddi pochi di ghjorna, spieca u SIS llu Cismonti.
