Libertés syndicales: bientôt devant le juge
(A redazzioni d'Alta Frequenza) - Impiechi, paghi, prutezzioni suciali, cundizioni di travaghju, altri suluzioni sò pussibuli ! Eccu u titulu di u cumunicatu di a CGT di Corsica Suttana chì cù una cunfarenza di stampa urganizata stamani (ghjovi) hà vulsutu participà à una ghjurnata naziunali di rivindicazioni. U sindicatu, quì com'è in altrò, dinunzia "a svianza liberali" di u guvernu di François Hollande, ci vultaremi. A CGT hà vulsutu insista nant'à un antru puntu chì li pari essa di listessa impurtanza à u minimu : quillu di i libertà sindicali. Cundanna i prublemi gravi di a ghjustizia è di i servizi di u Statu pà ciò chì tocca a prutezzioni di u sindicalisimu in Corsica. L'affari Mocchi, dici a CGT, hè un asempiu parfettu, parchì a ghjustizia ùn hà micca accittatu a so lagnanza. Toussaint Mocchi, aghjusta a CGT, sarà bè intesu duranti un'audienza currezziunali u 18 di farraghju pà "colpi è feriti" ma senza chì nisun lagnanza sighi stata ricivuta è dunqua senza custituzioni di partita civili.
Steti à senta à Jean Michel Biondi, pà a CGT di Corsica Suttana.
