Le Direct

Les vents seront forts et dangereux sur les rivages de la Corse jeudi et vendredi

(A redazzioni d'Alta Frequenza) - Attenti à u ventu. A prifittura marititma annunzia venti viulenti pà dumani (ghjovi) è vennari in Mediterraniu. L'autorità racumandani à i parsoni chì t'ani battelli d'ùn andà micca in mari è d'essa propiu prudenti in piaghja in Corsica, cù stuvigli chì pudariani inghjinnà accidenti. U ventu d'un settori à punenti largu s'hà da rinfurzà ghjovi, d'appressu à Météo France. L'urganisimu privedi pà a ghjurnata buffulati trà 50 è 60 chilometri à l'ora à i dui stremità di l'isula, è fin'è 70 à 80 chilometri à l'ora nant'à l'alti bocchi stradali. U ventu hà da essa torna più forti ind'a nuttata. Vennari, u ventu da punenti à meziornu punenti sarà assai forti, cù buffulati à 80 chilometri à l'ora in Balagna è ind'i Bocchi di Bunifaziu, trapassani ssi valori in Capicorsu è l'alti bocchi. Buffulati forti sò dinò aspittati à u sboccu di i valli di a parti urientali di l'isula è u rughjonu bastiacciu. In casu di prublema in mari, ci voli à chjamà u 196, numaru gratisi è permanenti pà i succorsi in mari.