Les urgences de Bastia en grève depuis une semaine
Photo : Julien Pernici
U sirviziu di l’urgenzi di Bastia hè in greva ch’hè una sittimana, in risposta à una chjama di l’intersindicali CGT-STC-FO. Issa mubilisazioni s’assumidda à quidda di parichji sirvizii d’urgenzi in francia.
Da ghjustificà la, hè u mancu di mezi, ma dinò u statu di i lucala di i sirvizii d’urgenza. Sariani quissi troppu minori, cuncipiti ch’iddi sò stati da accodda mità menu chè i 34000 parsoni trattati ugni annu. In sti cundizioni, ùn ci hè nè intimità nè cunfidinzialità pà l’aienti, è certi ghjorna i curridori sò pieni invasi da i brancali.
Hè nissutuli in issi cundizioni di scumparta i malati, è si trovani fiancu à fiancu maiori, ziteddi, è parsoni inchieti.
Sabine et Julien, infirmieri à l’urgenzi, ci spiecani i so prublemi d’ugni ghjornu.
Marti, Gilles Simeoni, u prisidenti di l’esecutivu, hà fattu una visita à u sirviziu di l’urgenzi. Era accumpagnatu da i dui diputati llu Cismonti è da Martine Wonner, a diputata llu Bassu Renu, ch’era in dispiazzamentu parvia d’una missioni parlimintaria in ghjiru à a saluta mintali.
Ancu puri issendu ci i prughjetta, com’è una stesa pussibuli di i lucala cù un pianu da supra à u sirviziu attuali, i cosi sò beddi dilicati par avali.
Stemu à senta à Gilles Simeoni, u prisidenti llu Cunsigliu Esecutivu lla Corsica.
