Les trois pères de famille quittent le clocher de l'église Notre-Dame de Lourdes à Bastia
(A redazzioni d'Alta Frequenza) - I trè babbi di famighja divurziati chì erani nentru à u campanili di Notre Dame de Lourdes in Bastia dipoi sabbatu scorsu, sò rifalati eri in fin di dopu meziornu (vennari). Rammintemi chì ss'ultimi vuliani dinunzià l'accanimentu ghjudiziariu è l'umiliazioni ch'elli patariani d'appressu à elli, chì l'impidisciariani di tena i so fighjoli una parti di u tempu. Pà rifalà da u campanili, i trè omi vuliani avè appuntamenti cù parsoni influenti in Corsica. Dopu avè scuntratu luni u vescu di Corsica, Olivier de Germay, trè babbi sò stati ricivuti arisera in prifittura di Corsica Suprana, è duvariani scuntrà da quì à pocu u merri di Bastia Emile Zuccarelli, u diputatu Sauveur Gandolfi Scheit è u presidenti di l'Assemblea di Corsica Dominique Bucchini.
