Les transporteurs s'engagent en faveur de l'environnement
(A redazzioni d'Alta Frequenza) - Zoom oghji annant'à a Cartula CO2 pà i traspurtadori. Ssa cartula d'ingaghjamenti vulintari hè stata lanciata di dicembri di u 2008 da u ministeru in carica di i trasporti è l'Agenza di l'Ambienti è di a Maistria di l'Energia. U so scopu : migliurà a parfurmenza ambientali di ss'intrapresi di trasportu, battendu à prò di a riduzzioni di l'emissioni di CO2 liati à a cunsumazioni di cumbustibuli. Dipoi un annu, ssa dimarchja hè stata prisintata in Corsica, è dopu à una prima fasa di sinsibulisazioni è d'accumpagnamentu, parechji intrapresi si sò impignati. Un impegnu di trè anni pà ss'intrapresi annant'à un pianu d'azzioni cuncreti è parsunalizati inghjiru à quattru assi (u camiò, u cumbustibuli, u cunduttori è l'urganisazioni di i flussi di trasportu) da fà chì quissi quì pudissini riducia i so emissioni di CO2 è agiscia pà u bè di l'ambienti.
Steti à senta à Patrice Baruol, direttori di a DREAL di Corsica, a Direzzioni Righjunali di l'Ambienti, di l'Accunciamentu è di l'Alloghju, à u centru di u dispusitivu à u nivellu righjunali.
Sur le même sujet
