Les tableaux du musée Fesch sont réapparus de façon rocambolesque
(A redazzioni d'Alta Frequenza) - I pitturi di u museu Fesch d'Aiacciu sò vultati di una manera quant'è scema cà a so svanita. Dopu à più di un annu d'inchiesta - l'arrubecciu era di farraghju di u 2011 - a ghjudici di struzzioni incaricata di u cartulari hà ricivutu arimani (vennari) una chjama anonima ammintendu li chì i pitturi erani nant'à un parking, à a surtita d'Aiacciu. Subbitu subbitu, uffiziarii di a pulizza ghjudiziaria di Corsica Suttana vani sopralocu, è scoprini La Vierge à l'enfant drentu à un saccu à rumenzula, u Poussin è i Primitifs arrimbati à un picculu muru. I pitturi sò riguarati subbitu è traspurtati à u palazzu di Ghjustizia d'Aiacciu, duva elli sò sempri par avà. Sarani resi luni à u museu Fesch, in prisenza di a direttrici di i Musei Naziunali. Da u cantu di u ministeru publicu d'Aiacciu, si dici chì iss'opari, di un valori sprupusitatu torna una volta sottulineata, sò dinò stati ritrovi grazia à un travaghju di furmicula di i forzi di pulizza.
On écoute Thomas Pison, procureur de la République d’Ajaccio.
