Les salariés CGT du groupe Casino Corse ont débrayé ce mercredi
(A redazzioni d'Alta Frequenza) - Mentri chì ssu marcuri, in i casali di Codim 2, vali à dì di u gruppu di i magazeni Casino in Corsica, c’era una riunioni trà a direzzioni è i sindicati pà fà u puntu nant’à l’accordi in tarmini di primi pà falli evuluà, a CGT, à u cuntrariu di u STC, sindicatu maghjuritariu, è di a CFDT, avia scelta d’ùn essa micca prisenti à ssa riunioni. In fatti, trà 9 ori è mezu è 11 ori è mezu, l’impiegati CGT di i cinqui grandi magazeni di l’insegna accumpagnati da altri impiegati ani fattu un’azzioni, un muvimentu chì si pudaria veda par asempiu à i casci, menu numarosi à essa aparti cà di regula, com’è pà i Géant di Bastia Tofa è d’Aiacciu. Dinunziani una vulintà di a direzzioni, d’appressu à elli, di vultà nant’à acquisti suciali di u 2004, mentri chì l’intrapresa saria in bunissima saluta è ch’ella avaria incasciatu, sempri sicondu l’impiegati in greva, 1,6 millioni d’auri di creditu d’impositu calchì mesi fà.
Steti à senta à Eliane Conche, cascera in u Géant Casino di Bastia Toga è dilegata sindicali CGT.
