Les retraités corses n'acceptent pas d'être les oubliés de la société !
(A redazzioni d'Alta Frequenza) - I ritirati ùn accettani micca d'essa i sminticati di a sucità ! U titulu di u fugliettu distribuitu stamani (marti) duranti i manifistazioni hè propiu chjaru. Malgradu u fattu ch'ellu c'era pocu mondu, i ritirati ani vulsutu marchjà in Aiacciu da a piazza Abbatucci fin'è a prifittura, pà pudè fà ricullà un missaghju di purtata naziunali, calata di u puteri di cumprà, cundizioni d'accessu à i curi di menu in menu boni, distruzzioni di i servizi publichi, ma dinò altri di purtata più lucali. Sicondu l'urganisazioni in fatti, più di 75 000 ritirati corsi sò cuncirnati da a regressioni suciali è a mità tocca u minimu vichjaia d'800 auri. I ritirati isulani dumandani dunqua di manera più specifica una prima di vita cara di 200 auri à u mesi, riduzzioni di prezzi ind'i trasporti marittimi è aerei, ma dinò pà u trenu, a strada è u periurbanu.
Steti à senta à Patrick Maurel, pà l'associ di ritirati di Corsica.
