Les premières impressions de Gilles Simeoni, nouveau maire de Bastia
(A redazzioni d'Alta Frequenza) - Ssu sabbatu, a cità di Bastia hà vistu elettu u so novu merri, Gilles Simeoni. Duranti un cunsighju municipali suvitatu fora da parechji millai di parsoni davanti à un screnu giganti, u leader di a lista Bastia hè statu elettu cù 33 voti contr'à 9 pà Jean Zuccarelli merri di Bastia, un votu simuli pà sceglia i dodeci aghjunti, sei ind'a famighja Simeoni, quattru di a famighja Tatti è dui di a famighja Milani, fora di u fattu chì quì i novi cunsighjeri zuccarelisti ùn ani micca participatu. Ind'un discorsu cù una certa emuzioni cù una parti larga lacata à a lingua corsa, Gilles Simeoni hà missu in avanti a dimarchja d'unioni chì hà purtatu fin'è ssa vittoria, com'è u fattu dinò chì ssa vittoria hè u risultatu di parechji decini d'anni di lotta di a famighja naziunalista, Gilles Simeoni pinsendu à i parsoni morti o chì ùn sò più libari pà u so ingaghjamentu. Ciò chì hè impurtanti oramai hè di dimustrà, di manera cuntreta, d'appressu à ellu, chì l'idei difesi da a famighja naziunalista dipoi tanti anni, poni essa cunvertiti in atti, in cumpagnia attiva di partinarii liati à a Republica. Un merri naziunalistu è soprattuttu in Bastia, calcosa impussibuli ad imaghjinà calchì sittimana fà, è tutti i parsoni prisenti stamani à a ceremonia ani misuratu l'altezza di l'impurtanza di l'avenimentu.
Steti à senta u merri di Bastia.
Sur le même sujet
