Les préconisations pour lutter contre le goujon asiatique
Photo wikipedia
U gubionu asiaticu, prisentu in Golu, à liveddu di Calacuccia, si hà aghjà invasu parichji fiuma in u mondu.
Hè un razzinu uppurtunistu, chì hè capaci à fà si la à cundizioni beddi diversi, ambiintali o altri, è chì t’hà calchì dispusizioni par fà si invasori putenti.
A so ghjunta in un ambienti pò dannighjà è mudificà i pupulamenti pisciculi prisenti, fendu bambià l’ecosistema.
Hè scrittu dipoi u 2016 à nantu à u listinu di i razzini esotichi è invasori.
Ni sò difesi u trasportu, a vendita è a so intruduzzioni in l’ambienti naturali.
I razzini esotichi invasori sò una di i causi maiori di l’indibulimentu di a biodiversità, à tempu à u riscaldamentu climaticu, a pulluzioni, a distruzzioni di i loca di vita è a troppu sfruttera di i risorzi.
Comu luttà contru à quissi l’animali ?
Ùn ghjuvà si ni da robba viva, ùn dispiazzà lu micca, issu pesciu, in un altru fiumu da ch’iddu ùn si sparghji in un locu ind’iddu ùn ci hè ancu.
Par casu chì vo’ ni pidditi unu, infurmeti ni i sirvizia di l’uffiziu di l’ambienti di a Corsica. Poni ancu ghjuvà un ritrattu è a presa di i dati GPS di u locu ind’iddu hè statu vistu.
