Les préconisations pour la Corse du comité Corse Covid
Photo d'illustration
U cumitatu scintificu Corse Covid hà mandatu un raportu à u cunsigliu esecutivu lla Corsica.
Eccu ciò ch’iddu cunsiglia :
- Vaccinà, subitu, i più debuli.
Appettu à altri righjoni, a Corsica hè sposta menu à u siscu, ma parvia di quissa l’imunisazioni lla pupulazioni hè dui volti più debuli, è tandu ci voli à vaccinà di più.
Steti à senta à Mylène Ogliastro, viruloga è membru d’issu cumitatu scintificu.
- Ramintà ch’iddi sò impurtanti i gesti di prutizzioni, masimu u scartu trà parsoni è a mascara.
- Fà crescia a dinamica di u « virificà è metta à u scartu ». Oramai, sò dispunivuli i virifichi cù u stuppu.
- Cuntrullà i intruti in i porti è l’aeruporti.
- Cuntrullà a friquenza è a prisenza di i varienti in Corsica. Par avali, si pò fà pà u V1 cù i virifichi PCR, ma ancu pà l’altri varienti. Ci voli chì i virifichi pusitivi sichini siquinziati, da stabilì a carta genetica lli sischi. I spidali di Corsica si devini lià à i lavuratorii di siquinzamentu.
- Cuntrullà a circulazioni llu siscu in i scoli, via campagni di virifichi.
- Virificà a prisenza llu siscu in i stazioni di trattamentu di l’acqua è i cundutti, via a reti « Obepine », diretta da u ministeru lla ricirca. A spartera di i dati hè nicissaria trà i sirvizia di statu è quiddi lli cullittività, da ch’idda sichi un arnesi bonu da pudè avvià dicisioni rapidi.
Steti à senta à Mylène Ogliastro, viruloga è membru d’issu cumitatu scintificu.
