Les personnels du CMPP et du CAMSP de Bastia en grève contre de possibles suppressions de poste
(A redazzioni d'Alta Frequenza) - Dipoi ssu marti, i parsunali di u centru medicali pscicologicu pedagogicu è di u centru d'azzioni medicali è suciali di Bastia sò in greva contr'à u prughjettu di carta sculari in Corsica Suprana chì ùn hè ancu statu prisintatu di manera ufficiali, ma cù primi ritorni chì ammentani a suppressioni privista di un postu di stututori spicializatu ind'u CMPP è di un antru ind'u CAMSP, ss'insignanti spicializati essendu privisti par essa trasferiti inde altri stabulimenti. I raprisintanti di a federazioni PEP di Corsica Suprana chì gistisci u CMPP è u CAMSP, è parechji sindicati di l'Educazioni naziunali com'è di i strutturi cuncirnati sò stati ricivuti da l'ispittori d'accademia, Catherine Mercier Benhamou. Dopu à un appuntamentu longu, ancu s'è l'ipotesi di un trasferimentu di u parsunali educativu cuncirnatu ver di l'ARS hè statu ammintatu, nisun avanzata chì pudissi bastà hè stata custatata, ciò chì faci chì u muvimentu di greva hè prulungatu.
Steti à senta u presidenti di i PEP di Corsica Suprana, Pascal Vivarelli, chì voli sempri spirà à truvà una suluzioni malgradu tuttu.
Sur le même sujet
