Les personnels de l'A.D.M.R sont inquiets
(A redazzioni d'Alta Frequenza) - I parsunali di l'A.D.M.R, in tutti i casi quilli raprisintati da a CGT, ani manifestatu stamani (vennari) davanti à i lucali di u Cunsighju Ghjinirali di Corsica Suttana. Aldilà di un affari di malvirsazioni chì toccaria à l'A.D.M.R, ma chì ùn era micca l'ughjettu di l'azzioni d'oghji, i parsunali volini fà pighjà cuscenza à i capi, di u Cunsighju Ghjinirali frà altru, di i prublemi di funziunamentu di a struttura. A CGT rigreta assai chì l'aiutu di casa s'aluntanessi di più in più da u settori publicu pà andà à pocu à pocu ver di u settori marcanti. Mancanza di parsunali, mancanza di furmazioni, centralisazioni di a gistioni, numarosi punti chì inchietani di più in più i salariati di l'Associu. Hè soprattuttu a privatisazioni di più in più evidenti di issu settori a maiò parti suciali, chì inchieta à i più a CGT. Hè ciò ch'ellu ci dici Alain Benielli, sempri pà a CGT.
Écoutons Alain Benielli, pour la CGT.
Sur le même sujet
