Les médecins corses dénoncent l’absence de prise en compte de la spécificité sanitaire insulaire
A cunfederazioni di i sindicata midicali francesi di Corsica hà fattu una lettara aparta à u ministru di a saluta, par ciò chì tocca à u ricusu di a CNAM di ricunnoscia è scriva in a cunvinzioni midicali di l’ottu di frivaghju i spicificità isulani.
« A Corsica, issendu isula muntagna è ùn avendu ni Centru Uspitalieri Universitariu, t’hà calchì prublimatica spicifica in fatti di dimugraffia midicali, d’attrattività di tarritoriu è d’accissibilità à a midicatura », spieca a cunfederazioni.
« A pupulazioni ch’invechja (29 % di più di 60 anni) t’hà bisogna midicali alti, senza cuntà chì a precarità tocca i 20 % », dicini i medichi libarali, chì dinunciani « a poca presa in contu di i dati di saluta, dimugraffichi è giugraffichi. U risicu d’unu scunvinziunamentu giniralizatu è d’una midicina à dui vitezzi, cù una rumpitura di l’egualità à l’accessu di a midicatura, ùn hè mai statu impurtanti cussì », dicini in chjudenda i medichi.
Dumandani dunqua risposti cuncreti à u ministru, è chì tenghini contu di i pruposti ch’iddi fecini issi pochi mesa.
Sur le même sujet
