Les Horizons corses d'Edouard Philippe
édouard philippe hà compiu marcuri a so visita in Corsica.
Hà stallatu u cumitatu tarrituriali d’Aiacciu di u so partitu, chjamatu « Horizons », chì susteni à emmanuel macron.
In u so discorsu à u palazzu lli cungressi, l’anzianu primu ministru è merri di Le Havre hà parlatu di a so vulintà di metta l’eletti cumunali in cori à i discussioni, è hà ancu prisintatu a so visioni lla Corsica.
Cù issa visita, hà ancu vulsutu virificà chì erani i pussibilità d’accolta lla dritta isulana, pà l’alizzioni prisidinziali o lighjislativi. L’idea saria di ritruvà, à l’uccasioni d’issi alizzioni, l’unioni di u gruppu « Un Soffiu Novu » à l’assemblea.
Jean-Jacques Ferrara, diputatu « Les Républicains » di a prima circuscrizzioni llu Pumonti, si riprisenta, sustinutu da Laurent Marcangeli. Ma par avali, ùn hà datu cunfirma ch’iddu saria candidatu cù a so bandera prima.
In a siconda circuscrizzioni pumuntinca, pudaria essa candidata Valérie Bozzi. Par idda dinò, fermani à difinì i modi lla so candidatura.
Fatta fini, pari ch’idda sichi, a dritta isulana, à nantu à a via d’un’unioni, gramazia à u dibattitu iniziatu pà l’alizzioni naziunali.
Sur le même sujet
