Les Gants du Cœur et le Collectif du 5 mai unis pour un match caritatif le 27 mai à Bastia
(A redazzioni d'Alta Frequenza) - U sabbatu u 27 di maghju, ci sarà in u stadiu d'Erbaghjolu in Bastia un scontru caritativu à prò di l'associu A Casa, urganizatu da l'associu Les Gants du Cœur, chì adunisci guardiani di ballò prufiziunali numarosi, attivi è à a ritirata, è da u Cullittivu di i vittimi di a catastrofa di Furiani. Ssa partita, cù benefizi chì parmittarani frà altru di cumprà matiriali pedagoficu par A Casa, chì aiuta i zitelli suvitati da u sirviziu di pedupsichiatria di l'uspidali di Bastia, hà da accoglia parechji ghjucadori cunnisciuti. Pà i guardiani, sarani prisenti par asempiu Sébastien Frey, Baptiste Reynet, Laurent Pionnier, Thomas Vincensini o Pascal Olmeta à mezu à tant'altri, mentri chì pà a squadra d'anziani di u SC Bastia chì hà da raprisintà u cullittivu di u 5 di maghju, sarani prisenti frà altru François Modesto, Julian Palmieri, Bruno Valencony, Pierre Maroselli, Patrick Valery, Pascal Camadini o Toifilou Maoulida à mezu à tant'altri, pà una ghjurnata chì hà da principià à 1 ora cù animazioni pà i più ghjovani, è chì t'hà com'è padrini Frédéric Hantz è Mickaël Landreau.
Steti à senta à Jean Daniel Padovani, u guardianu di u CA Bastia, à l'iniziativa di ssa partita.
