Les forces de l'ordre ont mis un terme à l'occupation des préfectures par la GI
(A redazzioni d'Alta Frequenza) - Deci ori. Eccu u tempu passatu duranti un’azzioni cuurdunata da una vintina di membri di a Ghjuventù Indipendentista in ogni di i dui prifitturi, quilla di Corsica in Aiacciu è quilla di Corsica Suprana in Bastia. Un’occupazioni pà pruvà à uttena avanzati nant’à u cartulari di l’annistia. S’è in Aiacciu, solu u cabinettu di u prifettu di Corsica hè intarvinutu pà fà nascia u dialogu, in Bastia, mentri chì u direttori di cabinettu di u prifettu di Corsica Suprana hè statu a leia principali, una dilegazioni di trè militanti hè stata ricivuta malgradu tuttu da u prifettu stessu, a prova di circà una leia cù u ministeru di a Ghjustizia essendu firmata vana. Ma, appena dopu à 11 ori, mentri chì i militanti vuliani stà a nuttata sana sopralocu, in Aiacciu è in Bastia, i ghjovani sò stati lampati fora da i CRS è i guardi mubili, certi sò stati purtati o ancu trascinati. S’è in Bastia, c’hè statu un azzuffu davanti u purtonu di a prifittura è guardi mubili chì si sò ghjuvati di un spray à u pevaru, in Aiacciu, l’evacuazioni hè stata più putenti, postu chì a Ghjuventù Indipendentista hà cumunicatu un sciffru di ondeci feriti ind’i soi.
Steti à senta à Anna Maria Graziani, una di i ghjovani bastiacci di a Ghjuventù Indipendentista chì hè stata nentru a prifittura.
