Les différents aspects du phénomème "chasse" selon Paul Ettori
(A redazzioni d'Alta Frequenza) - Marcuri s'hè fatta l'apartura di a caccia à u cignali in Corsica. Iss'ultima sarà aparta fin'è u 17 di ghjinnaghju, fora di 21 cumuni di Corsica Suprana, chì a vidarani prulungata fin'è u 28 di farraghju. Un rituali pà parechji cacciadori isulani, nanzi à l'apartura pà d'altri animali com'è u cunigliulu o a culomba. Emi scuntratu ghjustu appuntu à Paul Ettori, u presidenti di a federazioni di i cacciadori di Corsica Suttana, è vici presidenti di a federazioni naziunali. Aldilà di issu mumentu particulari, ch'emi dighjà trattatu ind'i nostri edizioni scorsi, ci semi intarissanti à ciò ch'ella pudia "arricà" a caccia à parechji livelli. Trappassendu, d'appressu à u presidenti Ettori, "u simplici fattu di tirà cù un fucili", iss'ultima t'hà parechji aspetti, suciali, ecunomichi è culturali frà altri.
Écoutez les explications de Paul Ettori.
Sur le même sujet
