Les contrôles du pass sanitaire à l'arrivée des avions et bateaux toujours en vigueur en Corse
Ùn si facini chè pà un terzu di l’avviò è i battella, è pà i battella, d’altrondi, ùn sò fatti à tutti i passaghjera.
Eppuri, sò sempri d’attualità i virifichi sanitarii in Corsica.
À veda ni sbarcà i vitturi ghjunti da Nizza ghjovi à sera, l’affari ùn hà scuraghjitu i turisti, beddi cuntenti di sbarcà ind’è no’, è chì capiscini a nicissità d’issi misuri.
Cusì a ci ani spiicata certi.
U prifettu llu Cismonti, iddu, hè beddu cuntenti : una maiurità di i ghjunghjiticci cuntrullati dipoi calchì sittimana l’aviani, u so Pass sanitariu.
Ben’ch’iddi ci sichini stati uni pochi di pinsera pà a littura llu Pass aurupeanu, finalmenti tuttu hè andatu bè è meddu.
Par françois ravier com’è par tant’altri, ci voli à cunvincia à ugnunu di vaccinà si. Da aiutà à purtà iss’idea, hè prisenti un « Vaccibus » à a Fiera di Bastia, da 4 ori à 8 ori lla sera. Pudaria ancu essa prisenti pà u primu macciu llu SC Bastia.
Steti à senta à françois ravier.
