Les compétences sociales et touristiques de la Collectivité de Corse se mobilisent pour l'après Covid-19
Marie-Antoinette Maupertuis, a prisidenti di l’Agenza llu Turismu lla Corsica, è Bianca Fazi, a cunsigliera esecutiva in carica di a saluta è di u suciali, ani fattu una cunfarenza di stampa cumuna.
Bianca Fazi hà dittu a impurtanza, mentri issa crisa, di u dispusitivu « Aiutu in Casa ». Hà fattu sapè ch’iddi sariani middi parsoni in più, toccu u 2021, à binifizià di u RSA, di pettu à a stessa epica quist’annu.
I parsunali midicali è suciali duvariani avè una prima chì pudarà tuccà i 1 000€ à chjocca, è par quissa ci vurrà un bughjettu di dui miliona.
Eccu a vulintà di l’esecutivu lla Corsica, chì hà da prupona issa misura, marti ch’entri, à l’assemblea.
Steti à senta à Bianca Fazi.
Marie-Antoinette Maupertuis hà prisintatu un’altra misura à prò d’issi parsunala, un bonu di comprita di 200€ chì pudarà viaghjà in l’alberghi, campeghji, casi campagnoli, o casi d’ospiti di Corsica, da u 15 di luddu à u primu di ghjinnaghju.
Ma ci sarani dinò scecchi di vacanzi pà i famiddi in difficultà, o ancu un’azzioni pussibuli cù Air Corsica, da permetta à i 200 primi midicanti di Nizza è Marseglia ad avè aiutatu a Corsica mentri a crisa di pudè viaghjà in Corsica.
Tutti issi misuri ghjuvarani à aiutà un sittori ecunomicu chì, quantunca, vidi ripiddà è crescia i risirvazioni in li trasporti.
Steti à senta à Marie-Antoinette Maupertuis.
Sur le même sujet
