Les collèges et lycées de Corse équipés de distributeurs de protections périodiques gratuites par la Collectivité de Corse
A Cullittività di Corsica, chì gistisci cullegjha è licea, hà dicisu d’aiutà i ghjuvanetti : da quì à pocu, tutti i stabilimenta ani da avè distributori di prutizzioni periodichi di rigalu.
150 000€ ani da essa invistiti in a stallazioni d’issi distributori, chì sarani ancu ricarcati da a CdC. Hè à u liceu Giocante de Casabianca, in Bastia, ch’iddu hè statu inauguratu marcuri u primu d’issi distributori. U stabilimentu hè di quiddi chì ani missu iss’iniziativa à u provu.
Issa spirienza hà fattu veda chì d’issu dispusitivu, ci n’era bisognu à veru, chì una ghjuvanetta à nantu à trè t’hà i difficultà cù issu particulari chivi, masimu ch’issi prutizzioni sò cari sempri di più in i cumercia.
Steti à senta à Antonia Luciani, a cunsigliera esecutiva in carica di u cartulari di l’aducazioni.
U liceu Giocante de Casabianca hè dunqua di quiddi chì ani missu à u provu issu dispusitivu calchì mesi fà. U risultatu ùn si pò cuntistà : a scatula di i prutizzioni ci hè vulsutu à riempia la parichji volti, chì i liceani ci sò ghjunti à spissu à serva si.
Steti à senta i spiicazioni di Perle Candelier, eleva in tarminali.
Sur le même sujet
