Assassiniu di Chloé Aldrovandi : a chjama a manifistà di i cullittivi antimaffia
Dopu à u pessimu è tristu evenimentu di issa duminicata è a morti d’una ghjuvanetta di 18 anni assassinata in u Ponte à a Leccia, i cullittivi antimaffia ani chjamatu à manifistà, sabbatu in Aiacciu.
« A maffia nò, a Vita Iè » è u Cullittivu Massimu Susini ani zifratu un cumunicatu cumunu ind’iddi dumandani « una risposta di a sucità à issi crimini ch’ùn piddani pichju ».
« Hè a intigrità fisica di i nosci fiddoli chì hè minacciata, hè l’avvena di a noscia cumunità è di a noscia sucità chì sò in piriculu », scrivini i cullittivi.
« Assassini, maffiosi fora ! » eccu a parolla da indittà a dumanda d’issa manifistazioni.
« Chjamemu ugni corsu à participà ci », dici in chjudenda a cumunicazioni.
A manifistazioni hà da parta sabbatu à dui ori, da a piazza lla gara d’Aiacciu.
