Les avocats des barreaux de Bastia et Ajaccio n'ont pas assisté à la rentrée de la cour d'Appel de Bastia
(A redazzioni d'Alta Frequenza) - Ci era ssu marti l'audienza di riintrata di a corti d'Appellu di Bastia. Una riintrata micca com'è tutti l'altri, parchì s'hè fatta senza a prisenza di l'avucati di l'Ordini di Bastia è d'Aiacciu, chì ani sceltu di ùn micca participà ci par via di una scuntintezza è d'aduniscia si nant'à i scali di u palazzu di ghjustizia di Bastia. Ss'avucati, ed hè un'eccezzioni à u nivellu di a Francia sana, ani sceltu ssu mezu d'azzioni pà fà cunnoscia a so inchietudini dopu à l'ultima cunfarenza di i presidenti di corti d'Appellu duva s'hè parlatu, par asempiu, di u cartulari di i divorzii cù accunsentu mutuali chì pudariani essa cunfidati da quì à pocu à nutarii o altri, è micca à i ghjudici com'ellu si faci sempri. Ss'affari, cù altri prublematichi, faci chì l'avucati sò intimuriti pà u so avvena.
Steti à senta à Dumè Ferrari, raprisintanti di l'Ordini di l'avucati d'Aiacciu.
