Les assises du tourisme ce jeudi au Palais des Congrès d'Ajaccio
(A redazzioni d'Alta Frequenza) - Dipoi stamani (ghjovi), è duranti tutta a ghjurnata, l'assisi di u turisimu sò urganizati à u Palazzu di i Cungressi d'Aiacciu. Iniziati da l'Auropa è da u Statu, ss'assisi di u turisimu t'ani un significatu propiu particulari in Corsica. In fatti, u travaghju di i riflissioni d'oghji sarà sintetizatu in un libru biancu chì vinarà dopu à nutriscia una riflissioni più larga, quilla annant'à u Padduc. Dipoi stamani dunqua, i prufiziunali, l'urganisazioni di prufiziunali, è i rispunsevuli publichi ammentani tutti i parti di u turisimu corsu. U travaghju di ssu dopu meziornu si farà à traversu attelli, unu sarà didicatu à un novu mudellu ecunomicu, l'altru ammintarà di manera più spicifica a prublematica di i trasporti, infini u terzu purtarà nant'à a quistioni di l'accessu à u pruduttu è a guvernenza tarrituriali.
Steti à senta a presidenti di l'Agenza di u Turisimu di a Corsica, Vanina Pieri, annant'à ssa ghjurnata impurtanti.
Sur le même sujet
