Les Ajacciens bientôt privés de la baignade sur la plage du Lazaret ? L'association Terra monte au créneau
L’associu Terra ni chjama à un’accolta, ghjovi u deci d’austu à quattru ori è mezu, à nantu à a marina di u Lazarettu, in Aiacciu.
Via a so cumunicazioni, dici l’associu chì, da quì à pocu, l’aiaccini ùn ci si pudarani nè bagnà, nè mancu praticà ci sport nautichi.
À senta ni à « Terra », u statu hà auturizatu a camara di cumerciu è d’industriu lla Corsica à pona un cascionu d’amoddu, pà i battilloni di i miliardarii, à torru bè à issa marina à usu di i famiddi.
Pà l’associu, issa stallazioni si hà da fà à discapitu di l’aiaccini chì, sinu ad oghji, si pudiani goda in paci i so sciali pà issi rinaghji.
« Terra » dinuncia una dicisioni vargugnosa, è cunsidarighja ch’issi battilloni ani da purtà una pulluzioni di quiddi cù a so tanta cunsumazioni di gasoliu, chì pò tuccà i 2 000 litra à l’ora, è quissa cù una Corsica chì hè a siconda righjoni lla francia pà l’emissioni di gasi à effettu stufa.
Hè par quissa ch’idda hè stata lampata issa chjama.
Si ni riparlarà in l’edizioni à vena.
