Législatives : Romain Colonna veut défendre les intérêts des Corses à Paris
« Laurent Marcangeli ùn currispondi mancu stampa à ciò chì no’ vulemu pà a Corsica. Cù a me siconda, Cécilia Costa, vulemu andà in parigi pà difenda l’intaressi di i corsi, micca quiddi di parigi in Corsica. Issa diffarenza hè fundamintali ».
Eccu ciò ch’iddu dissi Romain Colonna, ufficializendu sabbatu a so candidatura à nomu di « Femu », in a prima circuscrizzioni llu Pumonti. À torru à iddu, c’era u prisidenti di l’esecutivu, è c’erani parichji eletti.
Pà Romain Colonna, un quartu diputatu naziunalistu saria un tarramottu dimucraticu pà a Corsica.
È par ciò chì tocca à a candidatura di Jean-Paul Carolaggi, Romain Colonna hà dittu ch’idd’ùn era chè pluralità d’idei. Ma l’hà ripituta : « l’avvirsariu principali hè Laurent Marcangeli ».
Steti à senta u candidatu di « Femu ».
Sur le même sujet
